Eventet që nuk duhen humbur

Programi i pasur i aktiviteteve artistike e folklorike, promovon jo vetëm Sarandën si një destinacion turistik, por i jep edhe më shumë gjallëri qytetit bregdetar. Kinemaja e hapur, Festivali Ndërkombëtar i Teatrit në Butrint, Festivali i Mandarinës, Festivali Mbarëkombëtar i Shahut, Panairi Kombëtar i Suvenireve, Saranda Folk On janë disa nga eventet që kontribuojnë në imazhin e qytetit, duke tërhequr gjithnjë e më shumë vëmendjen e turistëve vendas e të huaj. Saranda është qytet që ofron një pafundësi aktivitetesh përgjatë gjithë vitit, pavarësisht sezonit, ndaj përgatituni ta JETONI dhe ta DASHURONI.