Saranda  është dëshmia e një gërshetimi unik, ku ujërat e pastër jonian dhe kodrat e mbuluara me ullinj kryqëzohen sa me gjurmët e një qytetërimi të lashtë po aq edhe me qytetërimin modern. Ky qytet mahnitës ruan në gjirin e vet thesare të një kulture e tradite shekullore, histori dhe kulturë të jashtëzakonshme. E ndodhur në skajin më jugor të Shqipërisë dhe e lashtë më shumë se dymijë vite, Saranda ka qenë e sunduar nga Perandoria Romake deri në shekullin e 4-të pas Krishtit. Sot, ky qytet magjik dhe rrethinat e tij strehojnë shumë site arkeologjike e vende natyrore me vlera unike. Dëshmi të kësaj periudhe mund të gjenden në muret që rrethojnë qytetin e vjetër, një pjesë e të cilave mund të shihen nga shëtitorja kryesore. Saranda është qytet që ofron një pafundësi aktivitetesh përgjatë gjithë vitit, pavarësisht sezonit, ndaj përgatituni ta JETONI dhe ta DASHURONI.