Njihuni me traditën dhe antikitetin e qytetit

Saranda është një qytet ku bukuritë e natyrës gërshetohen me trashëgiminë e pasur arkeologjike dhe thesaret e një tradite shekullore. Me një histori 2000 vjeçare, e pasur në vlera të rralla të trashëgimisë kulturore e jo vetëm, Saranda ka shumë për t’i ofruar çdo turisti, cilado qofshin qendrat e tij të interesit. Galeria “Art Saranda”, Muzeu Etnografik, kompleksi i Sinagogës me mozaikë të shekullit V dhe VI që gjenden në qendër të qytetit, janë vetëm disa nga monumtet e kulturës që turistët mund të vizitojnë gjatë qëndrimit të tyre.